среда, 30 ноября 2011 г.

ПРОСВЯЩАЕМСЯ...

29.11-1.12 университетамы ортчо курсъёс. Тани кык занятиез нуиз ни Д. Сахарных. Ӵуказе - Г. Григорьев но Р. Казаковский. Удмурт шрифтъёсын вырыны  но удмурт википедиын гожъяны дышим ни... Мар меда тунсыкоез луоз на?...

пятница, 11 ноября 2011 г.

воже потӥз....

так вот, воже мынам потӥз. туннэ туж "тунсыко" ивор кылӥ, кудӥз герӟаськемын вал мынам дышетскон группаеным. нырысь серем но вал кадь, нош собере...вобщем, вераз милемлы одӥг источник, что ми сярысь супыльтон вӧлмиз - типа ми "отстойной удмурт блоггеръёс"!!!!!!!!супыльтӥсьлэсь нимзэ  шараям уг пот - ачиз тодэ. Шонерзэ вераса со "ачиз не без греха", берло дыре ортчем ужрадын туж бадӟым янгыш лэсьтӥз (удмурт ужрадъёсы пыриськисьёс валалозы, дыр, малпасько), так что та адями достойно басьтыны быгатысал премия, точнее антипремия.
НОШ МЫНАМ ГРУППАЕЛЭСЬ ТАНИ САЛАМ.БЕ-БЕ.ВСЁ РАВНО МИ УМОЕСЬ!

среда, 12 октября 2011 г.


Куашкам корка. Пукон.

Пилиськем мыдор.

Лякымтэ борддор.

Куасьмем сяська. Тузон.

Чонари вотэс.

Пилиськем укноос.

Корка шорын гу. Кирос.

Пичи кибы. Пась кобы.

Пол вылын ву. Туж трос.

Шыпыт…

Тырмыт…

Тук-тук. Тик-так…

торокан...

пукисько огпол огъяулонниын ӝӧк сьӧрын...олокытысь-марысь ӝӧк шортӥ ик ури-бери гордпыръем-курень (рыжий) торокан кошкиз. Пузо со - мумы, лэся. Мар сярысь мон соку малпай: "Тороканъёс воксё но адямилэсь кышкамысь дугдиллям? Огъяулонниын тороканъёс шумпотыса вӧлмыны кутскиллям? Яке кыӵе ке выль торокан вид потӥз ини? Висъетам сыӵе кырсь шат, тороканлы улымон?" Ӧй, номыр сыӵезэ мон ӧй малпа. Со пудо-животэз адӟем бере, син азям пуксиз матысь эше, кудӥз ӝоген анай луыны кулэ...Вот сыӵе фантазия....

Тырмымтэ на мынам чашае,

Пыдэсаз ай гинэ суретэз.

Ӧз на безды ворпо дэрае,

Чиль-дол ворекъя чильпамез.



Мон уг кушты секыт карнанме,

Мугоры ке но юн жадемын.

Дун вуэн веръято туганме,

Кырӟанзэ мед кисьтоз ӝож гурен.



Шур сьӧры келяло юсьпиез,

Серекъям бордонэн учкыса.

Гадь бордам ӝиптыса нуныез,

Возь кузя мыно эктыса.



Шулдыр гур мытозы выжыос,

Партэмъёс лек тусын учкозы.

Ширтозы лобӟыса пар валъёс,

Выль ӧрлы выль ӧсъес усьтозы.

так, огшоры кылбуръёс...


Мон – капчи…

Лэйкаса инбаме тубисько,

Ваменак ёзъёсты качасько.

Киосам зор кужым люкаса,

Тубисько инбаме лэйкаса.



Мон – секыт…

Портыса пилемез палдӥсько,

Омырен мугорме жугисько.

Инмарез кымесаз чупаса,

Палдӥсько пилемез портыса.


пятница, 7 октября 2011 г.

осто...

осто,эшъёс! тани мон но вуи татчы, так сказать "в поле блоговского познания". табере главное - гожъяськыны, гожъяськыны но эшшо раз гожъяськыны. вот, табере малпаса пуко ини, мар сярысь умойгес луоз вераны, каклыклы но возьыт медам луы гожъяме понна...